رواية تخطي حدود العشق الفصل الثالث 3 بقلم يارا عبد العزيز

 رواية تخطي حدود العشق الفصل الثالث 3 بقلم يارا عبد العزيز

تخطي حدود العشق

 البارت الثالث

شهقت بصدمة اول اما سمعته بيتكلم مع صاحبه

نوح :- بس جدع انا كنت مفكرك هتسمع كلام جدك و تتجوزها

اسر :- دي مطلقة يا عم عايزني اتجوز واحدة مطلقة لا يابا انا مبلمش من ورا حد

نوح :- جدع خليك ثابت على قرارك هتعمل ايه مع روان

حطيت ايديها على بوؤها و هي بتكتم صوت شهقاتها ، خدت نفس عميق و خبطت على الباب

اسر راح فتح الباب

ملك :- مرات خالي بعتت العصير دا اتفضل

اسر :- تمام شكراً يا ملك 

ملك :- الشكر لله 

اسر : عن اذنك

ملك :- اتفضل 

اسر قفل الباب ملك مقدرتش تستحمل فتحت باب الشقة و خرجت نزلت تحت فى الشارع فضلت تلف وهي بتعيط بشدة ، رجليها جابتها عند كورنيش النيل ، بصيت للمياه و فضلت تبكي بشدة و صوت شهقاقتها يعلو

ملك :- حسبي الله ونعم الوكيل فيك يا بابا انت السبب و اسر انا مكنتش متوقعة منه كدا حسبي الله ونعم الوكيل فيكم كلكم انا بكرهكم

بصيت للمياه بتردد مدت جسمها لقدام و هي بتحاول ترمي نفسها فى المياه

اللهم صل وسلم وبارك على سيدنا محمد وعلى اله وصحبه اجمعين 🤎

ملك :- مش عايزة اعيش مش عايزة قلبي يوجعني تاني انا الاحسن اروح عند ماما هي اكيد هتفهمني هتاخدني فى حضنها و تقولي معلش زي ما كانت بتعمل معايا و انا صغيرة مشيتي و سبتني ليه يا ماما انا محتاجكي اوي 

كانت لسه هترمي نفسها بس فجأة حد بعدها بسرعة

اسر :- انتي اتجننتي هتـ..موتي نفسك 

ملك بغضب :- وانت مالك 

اسر بعصبية:- هو ايه اللى انت مالك يلا تعالي روحي معايا جدي لو عرف انك خرجتي هيزعق

ملك :- اه قول كدا بقى خايف من جدك امشي يا ابيه

اسر :- ملك بلاش الاسلوب دا و تعالي معايا يلا انتي كبرتي على حركات الاطفال بتاعتك دي 

ملك :- انا حابة اكون لوحدي شوية امشي انت و أنا هبقى اجاي

اسر:- عايزني اسيبك بعد ما كنتي هتمـ..وتي نفسك 

ملك :- فارقة معاك انا اوي اطلع برا حياتي يا اسر انا مش عايزة اعرفك تاني انا هقول لجدو و هسافر اكمل دراستي برا وابعد عنك عايز تتجوز روان أو غيرها دا شئ ميخصنيش

اسر :- وانا مش موافق على اللي انتي بتقوليه دا انتي مش هتبعدي عني 

ملك بصتله بأنتباه اتكلم بتوتر 

:- قصدي قصدي مش هتبعدي عننا كلنا و كمان جدي روحه فيكي وانتي عارفه كدا كويس

ملك بسخرية :- مكنتش متوقعة ان تفكيرك محدود اوي كدا يا اسر بجد

كان اول مرة يسمع اسمه منها ضربات قلبه زادت و هو مش عارف ايه السبب بس هو حابب يتكلم معاها اكتر حس ان روحه بتطلع منه اما قالت انا هسافر 

اسر :- يلا عشان نروح

ملك : مش هروح معاك روح انت وانا هاخد تاكسي واجاي

قبض ايده و هو بيحاول يتحكم فى عصبيته 

:- متخلنيش ازعلك و يلا 

ملك :- قولتلك مش جاية معاك انت مش بتفهم روح انت و انا هركب تاكسي واجاي وراك 

اسر و هو بيجز سنانه:- طب يلا يا ملك عشان مزعلكيش و متختبريش صبري اكتر من كدا و يلا احسنلك

ملك ببعض الخوف راحت ركبت عربيته ، بصلها وابتسم على طفولتها ركب و طلع بالعربية

اسر :- كنت حابب اطلب منك طلب

ملك كانت بتقلب فى فونها فى محاولة انها تتجاهله

اسر:- ملك بكلمك على فكرة

ملك :- عايز ايه

اسر :- عايزاك تتكلميلي روان انا عارف انها اعز صحابتك

ملك بدموع و حزن :- تمام 

اسر :- شكرا

استغفر الله العظيم الذي لا اله الا هو الحي القيوم و اتوب اليه 🤎

ملك :- تمام

اسر :- بقولك شكرا

ملك بدموع و حزن :- العفو 

روحت ملك البيت دخلت اوضتها صليت ركعتين لله و هي بتدعي ان ربنا ميعلقهاش بيه اكتر من كدا ، فضلت تعيط لحد اما نامت على سجادة الصلاة

فى الصباح فى كلية الهندسة جامعة القاهرة

ملك :- هاا قولتي ايه 

روان:- انتي بتهزري صح اكيد طبعاً مش موافقة

ملك :- صدقني انا راضية جدا و مش زعلانة و هو بيحبك وافقي بقى يا روان

روان:- بس انتي بتحبيه يا ملك 

ملك :- مش مهم انا المهم هو عايز مين و هو عايزك انتي و على العموم يستي انا هكلم جدي و هسافر اكمل تعليمي فى لندن باذن الله

روان :- بس

ملك :- مفيش بس يا روان ارجوكي

روان :- تمام 

روان معجبة بي اسر من ساعة ما دخلت سنة اولى و كانت ديما بتشوف نظرات الإعجاب منه بس كانت مش بتحطه فى دماغها عشان ملك 

و بالفعل اتخطبوا روان و اسر و حددوا معياد كتب الكتاب بعد اسبوع و جيه يوم كتب الكتاب

صحيت ملك على صوت زغاريط فى البيت اللي فوقهم من شقة خالها ، حسيت بنغزة فى قلبها بس سرعان ما افتكرت كلام اسر عليها خدت نفس عميق و قامت اتوضيت و صليت لبست و طلعت شقة خالها

سارة:- ملوكة تعالي ساعديني ممكن 

ملك :- ماشي هو اسر فين 

سارة :- فى اوضته بيجهز 

ملك :- تمام 

بعد حوالي نص ساعة كانوا سارة و ملك خلصوا ، ملك كانت خارجة من اوضة سارة بس قابلت اسر على الباب

اسر بغضب :- و الله 

ملك :- فيه ايه

اسر :- ايه القر..ف اللي انتي حاطها على عينيكي دا 

ملك ببرود :- اي شادو و اي لاينر يا ابيه سارة حاطتهولي حلو صح 

لا حول ولا قوة الا بالله العلي العظيم 🤎

اسر بعصبية:- زي الز..فت القر..ف دا يتمسح فورا

ملك :- جدو شافهم و مقليش حاجه

اسر :- دا عند جدك هااا و متعصبنيش اكتر من كدا يا ملك و امسحيهم متختبريش صبري عليكي اكتر من كدا

ملك :- مش ماسحهم عشان انت مش حاجه عشان تحكم عليا 

اسر بغضب :- و الله العظيم يا ملك و الله العظيم لو الز..فت اللي انتي حاطه على عينيكي دا متمسحش لهكون مزعلك مني و اوي انا ماشي و ابقى اشوفك حاطه فى الفرح مش كفاية عينيكي اللي بتسحر 

قال كلامه و مشي من قدامها و هو مش فاهم تصرفه و لا هي قادرة تفسره

ملك :- عادي يا ملك ما انتي بنت عمته انتي بنت عمته و بس 

اتنهدت بحزن و دخلت الحمام تمسحه

فردوس:- اسر 

اسر :- نعم يا امي

فردوس بحدة :- سيب ملك فى حالها انت كتب كتابك على غيرها انهاردة و انت اللي اخترت

اسر :- مش فاهماك

فردوس:- لا انتي فاهمني كويس اوي و انا بقولك اهو بلاش يا اسر كفاية على ملك كدا منك انت اتخليت عنها و بقيت واحد راجعي عشان اتجوزت و بقيت مطلقة انا عارفه ان حقك ترفضها بعد ما اطلقت بس خلاص ملكش دعوة بيها خليك فى اللي هتبقى مراتك انهاردة

اسر :- ماما انتي بتقولي ايه ملك 

فردوس بمقاطعة:- ملك اختك تمام اختك الصغيرة و بس و بلاش عشان جدك ميزعلكش انت عارف كويس اوي ملك عنده ايه 

اسر بضيق :- تمام 

جهزوا كلهم و ركبوا العربيات اسر راح يجيب روان من الكوفير و الباقي سبق على القاعة فكانت عبارة عن قاعة مفتوحة و شكلها بسيط و جميل جدا ، دخل اسر و روان ملك بصتلهم بحزن بس سرعان ما استغفرت ربنا اتمنتلهم الخير و ابتسمت و هي بتحاول تتأقلم بس غصبن عنها قلبها و جعـ..ها جدا ، جت تروح الحمام بعد ما حسيت انها مش هتقدر تحضر كتب الكتاب و تشوفه و هو بيقول زوجني ابنتك و اللي هتكون روان بمجرد ما اتخيلت قلبها اتقـ..طع ، جت تروح جدها وقفها

عادل :- رايحة فين يا ملك 

ملك بصوت مخـ..نوق :- الحمام يا جدو 

عادل :- تمام متتأخريش هنكتب الكتاب كمان نص ساعة

ملك :- تمام

جريت على الحمام ، حمدت ربنا ان مكنش فيه حد ، نزلت النقاب و بصيت فى المرايا ، نزلت دموعها و دخلت فى نوبة بكاء ، مسحت دموعها

ملك :- خدي نفس و خليكي قوية دي صاحبة عمرك و دا ابن خالك و أنتي سمعتي بنفسك قال لصاحبه ايه عليكي اهدي يا ملك اهدي و خدي نفس عميق هو ميستاهلكيش و مختركيش اهدي 

حاولت تستجمع قوتها خرجت من القاعة لاقيت اسر جاي مع جدها و خالها و معاهم المأذون

خدت نفس عميق راح المأذون قعد على كرسي قدام التربيزة و قعد جانبه اسر غمضت عينيها بحزن و هي بتتمنى ان تكون فقدت سماعها فى تلك اللحظة عشان متسمعش اي حاجه فتحت عينيها على صوت المأذون و هو بيبصلها

المأذون:- مين وكيلك يا عروسه

بص الجميع للمأذون بأستغراب و خصوصاً روان اللى اتحمقت اوي 

روان :- حضرتك فاهم غلط العروسة هي انا مش ملك 

المأذون:- ازاي يبنتي فى الورق اللي قدامي اسم العروسه هو ملك عبدالله الشافعي

يتبع.........

#يارا_عبدالعزيز

             الفصل الرابع من هنا 

لمتابعة باقي الرواية زوروا قناتنا ع التليجرام من هنا

تعديل المقال